how to apply for voters id card online what are the documents required" width="100%" height="" />18 വയസോ അതിൽ കൂടുതലോ പ്രായമുള്ള ഓരോ ഇന്ത്യൻ പൗരനും വ്യത്യസ്ത തിരഞ്ഞെടുപ്പുകളിൽ വോട്ട് ചെയ്യാൻ അവകാശമുണ്ട്. എന്നാൽ ഇന്ത്യൻ പൗരന്മാർക്ക് വോട്ട് ചെയ്യാൻ വോട്ടർ ഐഡി കാർഡ് നിർബന്ധമാണ്. തെരഞ്ഞെടുപ്പ് കാലത്ത് മാത്രമല്ല വോട്ടർ ഐ ഡി കാർഡ് ആവശ്യമായി വരുന്നത്. ലോണിന് അപേക്ഷിക്കാനോ വീട് വാങ്ങാനോ പോലുള്ള നിരവധി ആവശ്യങ്ങൾക്ക് തിരിച്ചറിയൽ കാർഡ് ആയി വോട്ടേഴ്സ് ഐ ഡി ഉപയോഗിക്കാറുണ്ട്.
how to apply for voters id card online what are the documents required" width="100%" height="" />
ഇലക്ഷൻ കമ്മീഷന്റെ രേഖയായതിനാൽത്തന്നെയും വളരെ ആവശ്യ രേഖയാണ് ഇത്. നേരത്തെ 18 വയസ് തികഞ്ഞാലും ചട്ടം അനുസരിച്ച് തെരഞ്ഞെടുപ്പ് കാലത്ത് മാത്രമേ വോട്ടേഴ്സ് ഐഡിക്ക് അപേക്ഷിക്കാനാകുമായിരുന്നുള്ളൂ. ഈയിടെയായി ഇന്ത്യൻ തിരഞ്ഞെടുപ്പ് കമ്മീഷൻ (ഇസിഐ) ഈ പ്രക്രിയ വളരെ ലളിതമാക്കി പരിഷ്കരിച്ചിട്ടുണ്ട്. നിലവിൽ ഒരു ഇന്ത്യൻ പൗരന് വീട്ടിലിരുന്ന് ഓൺലൈനായി പുതിയ വോട്ടർ കാർഡിനായി അപേക്ഷിക്കാനാകും.
വോട്ടർ ഐഡിക്കായി ഓൺലൈനായി എങ്ങനെ അപേക്ഷിക്കാം?
രജിസ്ട്രേഷനായി ഔദ്യോഗിക വെബ്സൈറ്റായ ഇലക്ഷൻ കമ്മീഷൻ ഓഫ് ഇന്ത്യ (ഇസിഐ) ഹോംപേജിലേക്ക് പോകുക. വോട്ടർമാർക്കുള്ള മാർഗനിർദേശങ്ങളുടെ പട്ടികയും വോട്ട് രേഖപ്പെടുത്തുന്നതിനുള്ള വിവിധ അപേക്ഷാ ഫോമുകളും വെബ്സൈറ്റിലുണ്ട്. വോട്ടേഴ്സ് കാർഡിൽ പേരു മാറ്റൽ, ഇന്ത്യയിൽ താമസിക്കുന്ന പൗരന്മാർക്ക് വോട്ടർ പട്ടികയിൽ പേര് ഉൾപ്പെടുത്തൽ,വിദേശത്ത് താമസിക്കുന്നവർക്കും സായുധ സേനയിലെ അംഗങ്ങൾക്കും സർക്കാർ സർവീസിലുള്ളവർക്കും പ്രത്യേക ഫോമുകൾ തുടങ്ങി ഒട്ടനവധി ഓപ്ഷനുകൾ ഈ പേജിൽ ഉണ്ട്. എന്നാൽ വോട്ടർ പട്ടികയിൽ പേര് ചേർക്കുന്നതിനായി ഫോം 6 ആണ് തെരഞ്ഞെടുക്കേണ്ടത്.
ഫോം തെരഞ്ഞെടുക്കാനായി നിങ്ങൾ ഇസിഐ വെബ്‌സൈറ്റിന്റെ ഹോം പേജിൽ നാഷണൽ വോട്ടേഴ്സ് സർവീസ് പോർട്ടൽ തിരഞ്ഞെടുക്കണം. “National Services” സെലക്ട് ചെയ്യുക. ശേഷം Apply online for new voter എന്നതിൽ ക്ലിക്ക് ചെയ്യുക. ഇപ്പോൾ നിങ്ങൾക്ക് അപ്ലിക്കേഷൻ ഫോമിലേക്ക് ആക്സസ് ലഭിക്കും.
ഘട്ടം 1 - ഇന്ത്യൻ തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റ് സന്ദർശിക്കുക.
ഘട്ടം 2 - National Voters Services Portal ൽ ക്ലിക്ക് ചെയ്യുക.
ഘട്ടം 3 - “Apply online for registration of new voter” തെരഞ്ഞെടുക്കുക.
ഘട്ടം 4 - വിശദാംശങ്ങൾ നൽകി ആവശ്യമായ രേഖകൾ അപ്‌ലോഡ് ചെയ്യുക.
ഘട്ടം 5 - “Submit” ക്ലിക്ക് ചെയ്യുക.
സബ്മിറ്റ് ചെയ്ത ശേഷം നിങ്ങൾ നൽകിയ ഇമെയിൽ വിലാസത്തിൽ നിങ്ങൾക്ക് ഒരു ഇമെയിൽ ലഭിക്കും. ഈ ഇമെയിലിൽ വോട്ടറുടെ ഐഡി പേജിലേക്കുള്ള ലിങ്ക് ഉണ്ടായിരിക്കും. ഈ പേജിലൂടെ നിങ്ങൾക്ക് നിങ്ങളുടെ വോട്ടർ ഐഡി അപ്ലിക്കേഷൻ ട്രാക്ക് ചെയ്യാൻ കഴിയും. അപേക്ഷിച്ച് ഒരു മാസത്തിനകം സാധാരണ ഗതിയിൽ വോട്ടേഴ്സ് ഐഡി ലഭിക്കാറുണ്ട്.
വോട്ടർ ഐഡി കാർഡിനായി ഓൺലൈനായി അപേക്ഷിക്കാൻ എന്തൊക്കെ രേഖകളാണ് കയ്യിൽ കരുതേണ്ടത് ?
1. ഒരു പാസ്‌പോർട്ട് സൈസ് ഫോട്ടോ
2. ഐഡന്റിറ്റി പ്രൂഫ്- ജനന സർട്ടിഫിക്കറ്റ്, പാസ്‌പോർട്ട്, ഡ്രൈവിംഗ് ലൈസൻസ്, പാൻ കാർഡ്, ഹൈസ്‌കൂൾ മാർക്ക് ഷീറ്റ് ഇവയിൽ ഏതുമാകാം.
3.അഡ്രസ് പ്രൂഫ്- റേഷൻ കാർഡ്, പാസ്‌പോർട്ട്, ഡ്രൈവിംഗ് ലൈസൻസ്, യൂട്ടിലിറ്റി ബിൽ (ഫോൺ അല്ലെങ്കിൽ വൈദ്യുതി)
ഒരു വോട്ടേഴ്സ് ഐഡി കാർഡിന് അപേക്ഷിക്കാനുള്ള അപേക്ഷകന്റെ ആദ്യ യോഗ്യതാ മാനദണ്ഡം അയാൾ ഒരു ഇന്ത്യൻ പൗരനായിരിക്കണം എന്നതാണ്. അപേക്ഷകന് ഇന്ത്യയിൽ ഒരു സ്ഥിര താമസ അഡ്രസ് ഉണ്ടായിരിക്കണം. അപേക്ഷകന് കുറഞ്ഞത് 18 വയസ്സ് പ്രായവുമുണ്ടായിരിക്കണം.
